Hi guys,
Sot ju prezantoj një model atletesh që më ka lumturuar me detajet e saj. Është Nike Air Force 1 Shadow. Ndonëse në pamje të parë duken të thjeshta, me një siluetë klasike Nike AF1, bëhen të veçanta nga detaje të ndryshme të stiluara që ndjekin pamjen bazë të atleteve, por shtresat në pjesën e pasme dublikohen dhe krijojnë efektin “shadow”.
Në dyqanet Buzz, por edhe online, mund të gjeni disa kombinime të ndryshme ngjyrash të këtij modeli dhe më tërhoqi më shumë kontrasti i detajeve të gjelbërta pastel dhe vjollcë në sfond të bardhë. Duke qenë se kjo gamë ngjyrash është në trend prej disa kohësh, nuk do të jetë e vështirë t'i kombinoni dhe t'i përshtatni në veshjet e përditshme.
Nga të gjitha detajet e këtij klasiku të ridizejnuar, me elemente lozonjare dhe interesante, më e preferuara ime është tabani i lartë, i cili për shkak të anës së dyfishuar Air, bën që ky model vizualisht duket edhe më i madh. Unë besoj se Air Force 1 Shadow do të tërheqë këdo që, si unë, adhuron këpucët e larta.
Air Force 1 Shadow do t'ju frymëzojë të luani me stile dhe kombinime të ndryshme veshjesh. Qoftë ditën apo në mbrëmje, veshje sportive apo elegante, me AF1 Shadow do të thyeni monotoninë e kombinimeve dimërore.
Të jeni mirë deri në blogun tjetër
